بیر دوشونجه سانجر بئینیمی
بیر دوشونجه سانجر بئینیمی:
یاتاقدا باشیم یومشاق یاستیقدامی اؤلمه لی؟
یوخسا بیر قرنفیل کیمی سولمالی یاواشجا
گیزلی بیر قوردون ایچدن ایچه گمیردییی؟
سس سیز – سمیر سیز اریییب گئمه لی می یوخسا؟
بوش بیر اوتاغا بوراخیلمیش شام کیمی؟
استه میرم ، تانریم ، بئله بیر اؤلوم ایسته میرم!
اؤلمه یی دیله ییرم من ، اؤلمه یی بیردن بیره:
آیاقدا ، ایلدیریملا پارچالانان بیر آغاج کیمی اؤلمه یی،
اوچوروما یووارلانان بیر قایا کیمی،
تپه دن دیرناغا تیتره ده، سارا یئری گؤیو.
اویاناجان بیر گون قوللوقدان اوسانان خالق لار
قاچاجاق لار ساواش مئیدانینا دوغرو.
ا.زلر آلوو- آلوو، بایراق لار آلتیندا دوراجاق لار.
دؤرد بیر یاندا پیریل- پیریل بو شرفلی پارولا*
هر کسه اؤزگورلوک! هر یئرده اؤزگورلوک، هر یئرده!
یایینجا خالق لار باغیرا- باغیرا
بیر سؤزجوک لری دؤرد بوجاغا، دوغودان باتییا
و با شلایینجا هوجوملار زور لالیغا قارشی،
اؤلمک ایسترم ان اؤن سیرالاردا،
ایستم سولاسین او شرف تارلاسینی
گنجلیییمین فیشقران آل قانادلارلا
آغزیمدان چیخان موتلو سون سؤزوم
باسدیریلسین ایسترم پولاد گورولتوسو ایله
شئیپور سسی ایله، توپ گومبولتوسو ایله
قازانیلان ظفرله آت لار کیشنسینلر،
سون سورعتی ایله چئینه ییب کیچسینلر جسدیمی
بوراخسینلار پارام پارچا گؤوده می ساواش مئیدانیندا
باشلایینجا سونراجنازه تؤره نی
گتیریلسین بیر آرایا بوتون سوموک لریم
ماتم مارش لاری چالسین دورمادان
قارا ایپک بایراق لار آلتیندا
بیر مزارا گؤمولسون قهرمان لارین هامیسی
سنین اوغروندا جان وئرن لرین هامیسی
ای اؤزگورلوک، ای دونیانین اؤزگورلویو!.
